Radha Madhilo

Radha Madhilo by Sowjanya Lolugu

రాధ మదిలో - సౌజన్య లోలుగు

ప్రపంచమే తెలియని ఒక ఆడపిల్ల ఆవేదనని..
ప్రపంచంలో ఏ కనులు గుర్తించలేదు.

అమ్మ, నాన్న, ఆప్తులు, బంధువులు ఎవరూ ఆమె వేదనని చూడలేదు. మౌనంగా ఆమె జీవితం కోసం చేస్తున్న పోరాటంలో స్వేచ్ఛగా ఎగిరిపోవడమే అందరికి కనపడింది. కానీ ఆమె చుట్టూ ఉన్న బానిస సంకెళ్ళు ఎవరికీ కనపడలేదు. 
    
రెక్కలు కట్టుకొని ఈ ప్రపంచంలో ఎగరాలన్న కోరిక ఆమెకి లేదు. విరిగిపోయిన రెక్కలను ముద్దాడే ఒడిలో సేద తీరాలన్న కోరిక తప్ప. ఆ కోరికను కలగానే మిగిల్చి, ఆమె ప్రేమని అర్థం చేసుకోకుండా, ఆవేదన మిగిల్చిన మనుషుల మీద ఉన్న  ప్రేమని  ఆరాధనగా మార్చుకున్న అమ్మాయే ఈ  రాధ.

ఈ పుస్తకంలో నేను రాసిన అక్షరాలు
నా మదిలోని మధురస్మృతులు.
ఈ ప్రపంచానికి కనపడని నా కన్నీటి గాధలు. 
              
ఎవరికీ చెప్పుకోలేని నా అంతర్మథనాలు.
నా మదిలో ఉన్న వారిపై ఆరాధనలు.
ఆ  ఆరాధన నుండి పుట్టుకొచ్చిన రాధను నేనే.
నేను కానిది ఏదిలేదు.
ఈ రాధ మదిలో...
 -    సౌజన్య